“NETSİS” proqramının müxtəlif şirkətlərdə tətbiq olunması

Tarix: 2008-02-24

 Artıq Azərbaycanda böyük şirkətlərin menecerləri gündəlik işlərində informasiya axını  ilə tez-tez üzləşirlər. Məhz bu baxımdan, biznes proseslərinin avtomatlaşdırılması mühüm əhəmiyyət kəsb edir. Avtomatlaşdırma  həqiqətən də  menecerlərin gündəlik fəaliyyətində çoxlu sayda lazımsız, bürokratik əməliyyatları minimuma endirir ki, bu da menecerlərin biznes fəaliyyətində qısa bir müddətdə yüksək nəticələrə gətirib çıxarır. Bununla yanaşı, tam avtomatlaşdırma şirkətin bütün bölmələrindəki işlərində dəqiq və şəffaf nəticələr əldə etməyə imkan verir.Azərbaycandakı mövcud uçot sisteminin yaxın gələcəkdə Beynəlxalq Uçot Sisteminə keçməsi ilə əlaqədar ERP (Enterprise Resourse Planning- müəsissənin resurslarının planlaşdırılması) sistemləri bu prosesdə böyük rol oynayacaq. ERP sistemlər üzərində işləyən proqram təminatları, xüsusilə də "AtaTexnologiya" MMC-nin Azərbaycanın İKT bazarına təklif etdiyi "NETSİS" proqram təminatı parametrikdir, yəni istənilən hesab planına və mövcud olan qanunvericilik əsasında çalışan proqramlar qrupuna aid edilir.
"AtaTexnologiya" MMC şirkətinin "NETSİS" ERP sistemi üzrə layihə  müdiri Cahangir Qənizadə  onu qeyd edir ki, artıq "NETSİS" müxtəlif səviyyəli  şirkətlərdə tətbiq olunur. Bu ondan irəli gəlir ki, proqram təminatı müxtəlif uçot sistemlərini tətbiq etməyə imkan verir, xüsusi ilə İAS 27 (ümumiləşdirilmiş hesabat sistemi)  standartı  "NETSİS" proqram təminatının ən güclü tərəflərindən biri kimi hesab etmək olar. Bundan başqa hal hazırda yeni modulların üzərində işlər gedir ki, həmin modullar maya dəyərinin hesablanması və gələcək dövrə istehsalın planlaşdırılmasından ibarətdir.Ümumiyyətlə, sistemin  tətbiq olunduğu sferalar çoxsahəlidir ki, bunlar istehsal, ticarət, turizm, şirkətlər qrupu və holdinqləri əhatə edir.